Interi aktualisht po stërvitet në Qendrën Stërvitore BPER në “Appiano Gentile”, në kuadër të ndeshjes së nesërme në stadiumin “Etihad’ kundër Manchester Cityt, debutimin e të dyve në edicionin e ri të Ligës së Kampionëve.
Trajneri Simone Inzaghi nuk do të mund të llogarisë, jo vetëm tek Tajon Buchanan , por edhe te Federico Dimarco dhe Marko Arnautovic që nuk po stërviten me ekipin, përcjellë KosovaPress.
Anësori, pas ndeshjes së Monzës, është dashur të ndalet për shkak të një tendosjeje në kofshën e djathtë dhe ka shpresa për ta rikuperuar atë për derbin kundër Milanit.
Por lajmi i fundit është mungesa e austriakit në fushën stërvitore, e ndalur nga një ethe që do ta pengojë atë të marrë pjesë në ndeshjen kundër skuadrës angleze.
