Interi po përgatitet për sezonin e ri megjithatë zikaltërit ende nuk e kanë prezantuar uniformën e re. Kjo mbetet edhe si peng i mungesës së një sponsori duke qenë se fanella e sezonit të ri do të jetë e kompletuar edhe me sponsorin kryesor dhe atë që mund të jetë pas shpine.
Në finalen e Championsit dhe 2 ndeshjet e fundit në kampionat, Interi kishte në fanellë kompaninë kinematografike “Paramount +”. Ky sponsor do të vazhdojë të mbetet në uniformën e Interit por ndryshe nga finalja, do të vihet në pjesën e mbrapme të fanellës, poshtë numrit të futbollistit.
Në pjesën qendrore, Interi është mes dy kompanive ajrore. “Wizz Air” dhe “Korean Air” kanë paraqitur ofertat e tyre për të qenë sponsor i zikaltërve por këta të fundit ende nuk e kanë vendosur se cila do të jetë reklama në fanellë.
PANORAMASPORT.AL
