Ish-portieri i Juventusit, Dino Xof ka folur për “1 Station Radio” ku ka komentuar mbi ndeshjen e radhës së “Zonjës”, supersfidën ndaj Milanit.
Legjenda italiane nuk ka dhënë një skuadër favorite, madje ka kritikuar disi të dyja ekipet.“Të dyja skuadrat kanë potencial, por të dyja po bëjnë një rrugëtim me uljengritje, pa vazhdimësi.
Nuk shoh një skuadër favorite në këtë përballje, prandaj të bëj një parashikim më duket e pamundur.
Ndoshta Juventusi është pak më lartë se Milani për momentin”, u shpreh fillimisht ish-portieri që gjithashtu komentoi në lidhje me garën për titullin kampion në Serinë A.
“Nëse do të kisha një monedhë nuk do të vija bast me të, por do ta shpenzoja për të gjetur skuadrën fituese.
Ndoshta Interi ka një skuadër më të mirë për momentin, por te Napoli është faktori Konte që e ka treguar që tani. Pas katastrofës së sezonit të kaluar, napoletanët janë të parët”, tha ndër të tjera Dino Xof.
