Pas eliminimit nga Kupa e Italisë nga Milani dhe parakalimit të Napolit në krye të Serisë A, Interi mban Ligën e Kampionëve për të ndryshuar trendin në raundin e parë të gjysmëfinales kundër Barcelonës.
Dhe Simone Inzaghi premton të luftojë në kuadër të ndeshjes së madhe ndaj katalanasve.
“Ne do të duhet të jemi të përqendruar dhe të tregojmë veten në maksimum sepse Barça është një nga skuadrat më të forta në botë – shpjegoi trajneri zikaltër -. Ne duam të luajmë këtë gjysmëfinale. Ndeshja e parë ka gjithmonë shumë peshë”.
“Thuram nga minuta e parë? Do të vlerësojmë në orët e ardhshme dhe do të vendos pas stërvitjes finale të mërkurën në mëngjes”, ka shtuar ai.
“Djemtë kanë bërë gjëra të jashtëzakonshme në katër vjet dhe java e fundit nuk e fshin këtë.
Kemi arritur deri këtu dhe ka qenë një sezon emocionues deri më tani. Duhet të kishim bërë më mirë në tre ndeshjet e fundit, por ne jemi këtu duke konkurruar për të gjitha objektivat kur disa thanë se do të ishte e vështirë të futeshim në top katërshe në Itali”.
“Ne vijmë nga një javë e keqe dhe duhet të bëjmë më shumë dhe më mirë. Duhet të bëjmë më të mirën kundër një prej skuadrave më të mira në botë. Do të duhet të jemi të mirë për të bërë një lojë sakrifikuese kur është e nevojshme”.
