Trajneri i Interit, Simone Inzaghi, ka analizuar për DAZN barazimin 4-4 ndaj Juventusit: “Ka një sërë faktorësh, vendosmëria duhet të jetë më e madhe, por si trajner duhet të them se e meritonim t’i shënonim 6-7 gola në këtë ndeshje.
Mund të pësosh 4 gola ndaj Juventusit, por jo kështu si sonte. Nuk mund të pësosh 4 gola me 4 goditje të kundërshtarit. Kur rezultati u ngushtua në 4-3, skuadra ime u nervozua, por futbolli është i tillë.
Ju ishit 4-2, patët shumë raste për ta thelluar avantazhin. Në fund, e mbyllët në barazim, sa i zemëruar jeni?
Patjetër që jam shumë i zhgënjim, 4 golat e pësuar do të jenë arsye për analizë të thellë.
Le të qëndrojmë te golat e pësuar në një situatë kontrolli të plotë të lojës prej jush…
Është e qartë se u ndëshkuam nga gola që nuk mund të pësohen kaq lehtë. Në vend që të pësonim, duhej të kishim shënuar edhe disa gola të tjerë. Është e drejtë që ka zhgënjim, por gjithashtu duhet të shohim gjërat e bëra mirë.
Keni humbur fuqinë në çerekorëshin e fundit të ndeshjes…
Tifozët neutralë, mendoj se u argëtuan, pastaj është normale që ne të zemërohemi pas një ndeshjeje si kjo. Bëmë rotacione të kufizuara në formacion, por një ekip si i yni duhet t’i kapërcejë vështirësitë.
A i mungon ende diçka këtij Interi?
I duhet pak më shumë vendosmëri, pësuam 4 gola. Padyshim që gjykimi ndikohet nga rezultati, është e drejtë të marrim kritika, sepse nuk fituam. Megjithatë, krijuam shumë mundësi të qarta shënimi ndaj një skuadre që kishte pësuar vetëm një gol nga penalltia deri më tani.
