Inter do të ndeshet mbrëmjen e së mërkurës kundër Salzburg në transfertë.
Sfida është tepër e rëndësishme, sidomos për zikaltërit, pasi me një fitore ata do të kualifikoheshin për fazën tjetër jashtë grupeve.
Në lidhje me këtë ndeshje, ka qenë Simone Inzaghi, trajneri i Interit i cili ka prezantuar ndeshjen në një konferenc për shtyp.
Nesër me fitore Interi do të kualifikohej, ka ndodhur vetëm një herë që nga viti 2004. Sa e rëndësishme do të ishte?
“Ne e dimë rëndësinë e ndeshjes së nesërme në mbrëmje, e dimë gjithashtu se kemi një kudnërshtar që tashmë e ka treguar vlerën e tij në “San Siro”. Është një ekip fizik, që vrapon shumë, me lojtarë të shkëlqyer. Ne kemi përballë një ekip shumë të respektuar, që ka bërë gjithmonë mirë në Europë.”
A do të keni nevojë për më shumë driblime, më shumë agresivitet, më shumë menaxhim?
“Do të nevbojitet gjithçka, ne e kemi parë nga afër se çfarë është Salzburg, një ekip fizik dhe teknik.
Do të na duhet një Inter shumë i mirë, e dimë rëndësinë e ndeshjes dhe do të përpiqemi të bëjmë një sfidë të rëndësishme”, është shprehur ndër të tjera Inzaghi.
