Bordi ekzekutiv i Komitetit Olimpik Ndërkombëtar ka pezulluar Komitetin Olimpik Rus “me efekt të menjëhershëm”.
Masa vjen pasi ROC njohu organizatat rajonale nga katër territore ukrainase të aneksuara ilegalisht nga Rusia që nga fillimi i pushtimit të saj në shkallë të plotë në 2022, shkruan lajmi.net.
IOC tha se njohja e së enjtes së kaluar ishte “një shkelje e Kartës Olimpike sepse shkel integritetin territorial të Komitetit Olimpik Kombëtar të Ukrainës”.
Pezullimi do të thotë që ROC “nuk ka më të drejtë të funksionojë si Komitet Olimpik Kombëtar” dhe “nuk mund të marrë asnjë financim nga lëvizja Olimpike”.
Këshillat Olimpikë nga rajonet e Luhansk, Donetsk, Kherson dhe Zaporizhzhia ishin njohur nga ROC.
IOC shtoi se do të vendoste nëse atletët rusë mund të konkurrojnë si neutralë në Paris 2024 “në kohën e duhur”. /Lajmi.net/
