Sulmuesi i Liverpool, Alexander Isak, shpreson që sezoni i tij i dytë me “Reds” të jetë shumë më i mirë se ai kaluari, i kushtëzuar nga dëmtimet (14 ndeshje e 3 gola në Premier League). Në prag të ndeshjes ndaj Newcastle, trajneri Andoni Iraola foli për gjendjen e sulmuesit suedez dhe pritshmëritë që ai ka ndaj tij.
“Mendoj se ai ishte i mirë në Kupën e Botës. Ai do të ketë tre ose katër javë stërvitje cilësore, shpresoj se mund ta vendosim në një pozicion të mirë sepse do të jetë shumë i rëndësishëm për ne këtë sezon“, tha Iraola.
“Ndryshe nga shumë të tjerë, për të cilët lodhja duhet të jetë një shqetësim, përfshirja e Isak në Kupën e Botës duhet të jetë një ndihmë jo një pengesë. Ka pasur disa shenja pozitive. Ai shënoi kundër Monaco. Duke e parë atë kundër Como, duhej të kërkoje pak më me kujdes për t’i gjetur ato”, shtoi trajneri i Liverpool.
“Po u kërkoj lojtarëve të bëjnë gjëra pak më ndryshe, veçanërisht pa top dhe mendoj se po përpiqen ta marrin atë. Ne të gjithë po punojmë shumë që gjërat të funksionojnë. Isak mbetet një finalizues i shkëlqyer. Ky sezon duhet të jetë shpërthyes për të, pasi po bën një përgatitje që vjet mungoi”, tha Iraola.
