KB Bashkimi ka përforcuar skuadrën me transferimin e basketbollistit të huaj, Bradley Waldow.
Lajmi është konfirmuar nga faqja zyrtare e klubit prizrenas në rrjetet sociale, shkruan lajmi.net.
“Kryesia e klubit tonë ka arritur marrëveshje me lojtarin e mirënjohur Bradley Waldow. Së bashku, po ndërtojmë rrugën drejt suksesit” – thuhet në njoftimin e KB Bashkimit.
Bradley Waldow nuk është emër i panjohur në elitën e basketbollit kosovar.
Ai edicionin e kaluar ishte pjesë e KB Pejës, skuadrës që u shpall kampione në Superligën e Kosovës.
Pikërisht Waldow, ishte heroi i Pejës që shënoi pikët vendimtare ndaj Trepçës në finalen e “Play-Off”-it, në palestrën “Minatori” në Mitrovicë.
Ndryshe, Waldow vjen te Bashkimi pas aventurës te ekipi izraelit, Elitzur Ironi Ashkelon, por me të nisur lufta në këtë shtet, Waldow u largua nga atje mes shumë vështirësive./Lajmi.net/
