Nëse Maks Alegrit do t’i kërkohet që të lirojë pankinën në fund të këtij sezoni, Juventusi duhet të gjejë sa më shpejt që të jetë e mundur një zëvendësues të denjë të tij. Edhe pse pista Zinedin Zidan nuk ka perënduar, me gjithë këtë rrëmujë në Torino duket se mundësia e një akord mes palëve të jetë më shumë sesa i ftohtë, prandaj “Zonja e Vjetër” ka nisur të shohë përreth për ndonjë ide më “normale”.
Sipas asaj që raporton media italiane, dy emrat më të ndjekur në këtë moment janë Igor Tudor dhe Tiago Mota. I pari është favorit nisur edhe nga fakti se e njeh ambientin juventin, duke qenë se ka qenë një mbrojtës i bardhezinjve për shumë vite dhe për më tepër ka qenë edhe ndihmësi i Andrea Pirlos, në sezonin e vetëm që stërvitën së bashku.
Tudor aktualisht është te Marseja dhe duke e ditur se nuk ka garë kundër PSG-së, ai i ka rikthyer bardhekaltrit në zonën “Champions”.
Ndërkohë, Tiago Mota po bën çmendurira sivjet në stolin e Bolonjës, por përveç rezultateve fantastike (aktualisht të tetët, një vend poshtë Juves), skuadra po shfaq edhe një lojë mjaft të bukur, atë që tifozët e Juves kanë harruar ta shohin në dy vite me Alegrin.
PANORAMASPORT.AL
