Abner Felipe është një emër jo shumë i njohur në Europë edhe pse në të shkuarën e tij ka qenë pjesë e Real Madridit. Mbrojtësi i majtë që shihej si pasuesi i Marselos, ka luajtur për disa sezone me skuadrën e dytë të Realit, ndërkohë që dëmtimet për të kanë qenë të shumta.
Braziliani 27-vjeçar transferohej i dëmtuar te Reali duke qenë se në Botërorin e 17 vjeçarëve, ai pat thyer gjurin. Megjithatë, stafi i Realit e rikuperoi por vetëm pak kohë më vonë, dëmtimi i tij u rikthye. Pas riaftësimit u duk se gjithçka ka kaluar, deri sa në një tjetër stërvitje, Felipe theu gjurin për herë të tretë duke menduar edhe tërheqjen nga futbolli.
“Isha në stërvitje dhe u dëmtova. Në atë moment, e dija që e isha dëmtuar rëndë përsëri. Duke u kthyer në dhomat e zhveshjes, fillova të mendoj: Do ta lë futbollin sepse e dija sa i vështirë ishte rikuperimi dhe sa kohë duhej. Nuk kisha kohë as që të harroja dy dëmtimet e kaluara.
Një muaj pasi u ktheva plotësisht për ekipin. Megjithatë, Zidan më thirri në zyrën e tij, më foli dhe më tha që nuk duhet të tërhiqem ende, se isha shumë i ri dhe se kisha një rrugë të gjatë përpara meje. Ai ndikoi shumë në jetën time për të marrë këtë vendim”, u shpreh Felipe.
PANORAMASPORT.AL
