Inter duket se ka goditur në shenjë me transferimin e Marcus Thuram. Francezi është shndërruar menjëherë në një prej lojtarëve më me shumë ndikim në formacionin e trajnerit Simone Inzaghi duke bërë që të harrohet edhe Romelu Lukaku.
Për sulmuesin ka vetëm fjalë të mira dhe së fundmi komplimentat vijnë nga ish-mbrojtësi Fabio Cannavaro. Ky i fundit thekson se Thuram i ngjason me Ibrahimovic në periudhën e fillimit të karrierës, ndërsa shtoi se francezi do të dijë të bëjë diferencën.
“Interi është një nga skuadrat pretendente për të fituar Serie A, kjo nuk diskutohet. Thuram më kujton pak Ibrën e fillimit të karrierës.
Për momentin Thuram po kujdeset më shumë për të asistuar se për të shënuar, por në momentin që do të gjejë vazhdimësinë e golave atëherë do të bëjë diferencën.
Sa i takon kampionatit, Milan është pak më inferior se Inter ndërsa Juventus e shoh më mbrapa”, u shpreh Cannavaro.
