Lojtarët brazilianë te Bajernit janë parë si “alergji”, teksa Xhovani Elber ka lënë gjurmë të patjetërsueshme në ekipin e kampionëve gjermanë. Aktivizimi i tij me fanellën e klubit rekordmenëve gjatë viteve 1997-2003 të sjell ndërmend finalizimet plot elegancë të brazilianit. Së fundmi, 51-vjeçari ka analizuar edhe “përplasjen” mes Bajernit dhe Shtutgartit, aty ku Serhu Guirasi dhe Herri Kejn ishin kryefjala:
“I ftoj të gjithë tifozët gjermanë, jo vetëm të Bajernit apo Shtutgartit, të shikojnë takimin mes tyre. Jam i bindur se spektakli dhe golat do të dominojnë në duelin e ditës së diel. Dy finalizues të shkëlqyer. Nëse i marrë në plan më të detajuar, Guirasi më kujton veten si finalizues, thuajse perfekt. Tepër e vështirë të gjesh raste kur bomberi i miqve ngatërron objektiv para porte.
Ndërsa Kejnin e konsideroj tjetër gjë. Eksperienca e pykës angleze shërben në shumë dimensione. I aftë të hap lojën, të udhëzojë lojtarët, të krijojë korridore për sulmin dhe efikas në kuadrat. Shkurt, i frikshëm. Jam i sigurt se asnjë ekip nuk dëshiron të përballet me të. Statistikat e të dyja kampeve demonstrojnë edhe potencialin e kontingjenteve, të cilët luftojnë fort”, përfundoje Xhovani Elber. Me gjigantët nga Mynihu, Elber fitoi gjithçka të mundshme në linjën ekipore.
PANORAMASPORT.AL
