Më 1 janar festoi 41-vjetorin, por nuk ka ndër mend ta mbyllë karrierën e tij. Paolo Guerrero, megjithatë, e di se në këtë pikë duhet të heqë dorë nga kombëtarja, ku ka qenë një lojtar thelbësor për 20 vite. Sulmuesi konfirmoi pak orë më parë tërheqjen nga kombëtarja e Perusë.
“Kombëtarja ka nevojë për njerëz të rinj, për fytyra të reja. Kjo është ajo që kërkon populli: lojtarë të rinj. Prandaj t’u japim mundësi të rinjve,” deklaroi lojtari i Alianza Limës.
Ndeshja e tij e fundit me Perunë ishte kundër Argjentinës, në stadiumin Bombonera, më 20 nëntor, ndërsa goli i tij i fundit daton më 27 mars 2023, në një ndeshje miqësore kundër Republikës Domenikane.
Guerrero largohet si golashënuesi më i mirë në historinë e kombëtares: 40 gola në 125 ndeshje, duke përfshirë atë historik në Kupën e Botës 2018, në Rusi, kundër Australisë, goli i parë i Perusë në kompeticionin botëror pas 36 vitesh. Në karrierën e tij, ai ka veshur edhe fanellën e Bayernit të Mynihut, duke fituar 2 Bundesliga dhe 1 Kupë të Botës për Klube.
