Mirko Vuçiniç shpallet fajtor për evazion fiskal. Ish-sulmuesi malazez është dënuar në Itali me dy vite burgim me kusht për evazion fiskal. Sipas mediave italiane, gjykata e shpalli fajtor ishsulmuesin e Leçes, Romës dhe Juventusit për evazion fiskal.
Bëhet fjalë për periudhën 2014-2017 kur Mirko Vuçiniç luajti për Al Xhazira dhe italianët e akuzojnë se nuk ka deklaruar të ardhurat prej gjashtë milionë eurosh. Avokati i tij pretendon se ai nuk ishte i lidhur financiarisht me Italinë në atë kohë dhe se nuk ishte i detyruar të justifikonte paratë. Megjithatë, gjykatësi vendosi kundër tij.
Ai u kërcënua me tri vite burg, por duket se gjatë hetimit u gjetën rrethana lehtësuese. Dhe për këtë arsye, praktikisht ai ia hodhi me një dënim me kusht. Megjithatë, sekuestrimi i pasurisë së tij tashmë ka filluar dhe i janë konfiskuar 6 milionë euro.
