Redon Xhixha këto ditë nuk ka qenë shumë i fokusuar te futbolli.
Sulmuesi 26-vjeçar vetëm para pak ditësh i dha fund beqarisë, duke zhvilluar edhe një dasmë madhështore.
Ndërkohë së fundmi, futbollisti i Qarabag në Azerbajxhan ka zbuluar dhe pasione të tjera. Xhixha ka treguar me anë të një foto të publikuar në rrjetet sociale që është një “fans” i UFC.
26-vjeçari shihet të ketë shkuar në Baku të Azerbajxhanit, për të ndjekur nga afër duelet e UFC.
Përsa i përket karrierës së tij futbollistike, sulmuesi është në kontratë me Qarabag deri në vitin 2026. Ai po përflitet shumë për një rikthim të bujshëm në Superiore, por ende nuk ka gjë konkrete.
