Empoli-Udinese ndajnë pikët në takimin e javës së tetë të Serie A. Sfida që rezultoi shumë e luftuar u mbyll me porta të paprekura.
Vendasit gjetën rrugën drejt rrjetës me Caputon në minutën e 39’, megjithatë pas verifikimit në VAR ai gol u anulua për pozicion të parregullt.
Pavarësisht tentativave të vazhdueshme nga të dyja anët, në fund asnjë nuk ia doli të shënojë.
Ndërkohë në minutën e 75’ mbrojtësi i kombëtares shqiptare, Ardian Ismajli mori një dëmtim në dukje të lehtë, por që e detyroi të lërë fushën e blertë.
Titullar këtë takim e nisi edhe portieri i Kombëtares, Etrit Berisha i cili tregoi një formë të mirë.
Në fund ndeshja u mbyll me rezultatin 0-0 me Empolin që renditet në vend të 18-të me 4 pikë, teksa Udinese renditet në vend të 17-të me pesë pikë.
