Vincenzo Italiano ka folur për mediet në prag të finales së Conference League të Fiorentinës ndaj West Ham të planifikuar për të mërkurën në mbrëmje në orën 21:00, që do të luhet në Pragë.
Në fjalën e tij, trajneri i Fiorentinës theksoi se West Ham ka një ekip të fortë, ndërsa shtoi se detajet do ta vendosin këtë përballje.
“‘Hammers’ kanë cilësi dhe talent. Ata janë një ekip i fortë fizikisht i përbërë nga lojtarë të nivelit të lartë, të cilët dinë gjithashtu të luajnë me kujdes në momente të ndryshme të ndeshjes.
Kur ata nuk e kanë topin, ata përpiqen ta rifitojnë atë dhe të rifillojnë sulmin. Ne duhet të jemi të kujdesshëm.
Detajet do të bëjnë diferencën. Çdo gabim mund të vendosë ndeshjen. Dy finalet nuk janë gjë e vogël, shpresojmë të përfundojmë mirë nesër”-tha ai.
