Dinamo ka fituar Kupën e Shqipërisë pas 22 vitesh. “Nëndetësja” ia doli që të fitonte përballë Egnatias me penallti, pasi 120 minuta lojë përfunduan në barazim 2-2.
Në përfundim të këtij dueli ka folur, autori i dy golave të dinamovitëve, Itodo Mandela.
“Unë jam shumë i lumtur sepse ne e merituam.
E donim shumë trofeun dhe kemi punuar shumë për këtë. Jam i lumtur edhe për trofeun “Lojtari i Ndeshjes”, falë Zotit e fitova dhe unë një pasi kam punuar shumë.
Dëmtimi? Nuk kam ndonjë dëmtim, vetëm këmba është pak e lodhur. Por unë jam mirë. Tani jam shumë mirë, nuk kam ndonjë shqetësim. Mund të luaj të gjitha ndeshjet, do të jap maksimumin për të shkuar më tej”, është shprehur Mandela.
