Këto janë përballjet më të mira sot në top-ligat evropiane.
E shtuna do të jetë e mbushur me ndeshje futbollistike në top-ligat evropiane.
Në Premierligë, Arsenali e prêt Fulhamin nga ora 16:00, kurse në orar të njëjtë në “Old Trafford” Man Utd ndeshet me Nottingham Forest.
Në Francë, PSG do ta kërkojë fitoren e parë sonte, kur do të luajë si nikoqir i Lens nga ora 21:00, shkruan Gazeta Express.
Në Gjermani, Dortmund do të jetë mysafir i Bochum, kurse Leverkuseni i Granit Xhakës udhëton për t’u ndeshur me Borussia Monchengladbach.
Në Itali, Milan ndeshet me Torinon në mbrëmje nga ora 20:45, kurse në Spanjë, Mallorca e Vedat Muriqit përballet me Granadan në udhëtim nga ora 19:30.
