Lamin Jamal ka mbyllur “El Classico” ndaj Real Madridit me një gol dhe një paraqitje mbresëlënëse. Por në fund e ka mbyllur edhe me një premtim të mbajtur, atë ndaj Tierri Henri.
Pas ndeshjes së parë ndaj Interit, ish-sulmuesi francez i kërkoi fanellën yllit të ri të katalanasve pasi do të ishte i pranishëm në tribunë për “El Classico”. Jamal pranoi, me kushtin që edhe Henri t’i dhuronte një nga fanellat e tij dhe kjo u bë realitet sot.
Të dy janë takuar në stadium pas sfidës dhe kanë pozuar për foto ku mbanin me krenari fanellat që kishin shkëmbyer.
“Për legjendën dhe “vrasësin” Henri, je një yll”, ishte autografi i Jamal për francezin. “Për Lamin, me vlerësimin tim më të madh. Je një yll”, shkruante Henri në fanellën që i kishte dhuruar spanjollit.
PANORAMASPORT.AL
