Mesfushori i Milan, Ardon Jashari, ishte tejet kritik në vlerësimin e tij për humbjen 2-0 ndaj Benfica dje në “San Siro”, duke marrë përsipër përgjegjësinë e drejtpërdrejtë për aksionin që çoi te goli i parë i kundërshtarit dhe duke kërkuar një kthesë të menjëhershme nga skuadra.
Lojtari zviceran foli hapur pas humbjes në ndeshjen hapëse të sezonit në Europa League, duke vënë në dukje mungesën e grintës konkurruese: “Nëse jemi të përqendruar dhe kemi frymën e duhur që në sekondat e para, në rregull. Por, nëse luajmë si m*t dhe i dhurojmë gjëra kundërshtarit, kjo nuk ka të bëjë me projektin.”
Përtej kritikave të përgjithshme për paraqitjen e dobët të skuadrës dhe mungesën e thellësisë në sulm, mesfushori pranoi gabimin e tij individual te goli i parë i portugezëve pasi pa pamjet e ndeshjes.
“Ishte përgjegjësia ime të qëndroja më pranë Lukebakio. U ktheva në mbrojtje, por ai nuk duhej të kishte mundësi të hynte brenda kaq lehtë; duhej të qëndroja më pranë lojtarit tim dhe ta mbyllja më mirë hapësirën,” tha ai për Sky.
