Ardon Jashari nuk pritet të jetë startues në ndeshjen e ardhshme të skuadrës së Milanit në kampionatin e Italisë.
Mediumet italiane kanë bërë të ditur se trajneri Massimiliano Allegri ka vendosur ta lë në stol Jasharin për duelin ndaj Atalantas.
Këtë veprim takik, thuhet se Allegri e ka bërë për shkak se nuk ka mbetur aspak i kënaqur me paraqitjen e Jasharit në humbjen 2:0 ndaj Sassuolos.
Ndeshja Milan – Atalanta, luhet të dielën mbrëma në stadiumin “San Siro” dhe i takon xhiros së 36-t të Serie A.
Në këtë përballje, startues në mesfushë pritet të jetë Samuele Ricci kurse Jashari do të jetë në stol dhe do të inkuadrohet në pjesën e dytë.
Në sezonin e tij të parë te Milani, mesfushori 23-vjeçar ka bërë 15 paraqitje në të gjitha garat dhe me ekipin italian ka kontratë deri në vitin 2030.
