Fiorentina po vlerëson profile të ndryshme për zëvendësuesin e Moise Kean. Një prej tyre është Christian Shpendi, një sulmues në pronësi të Cesenës, golashënuesi më i mirë në Serinë B me dhjetë gola, plus dy në Kupën e Italisë. Njëzet e një vjeç, në sezonin e tij të parë në Serinë B, vitin e kaluar ai udhëhoqi skuadrën Romagna në ngjitjen një kategori më lart falë golave të tij.
Drejtuesit e Fiorentinës po vlerësojnë nëse do të bëjnë një ofertë, por Cesena e ka shumë të vështirë të pranojë. Kjo pasi ata do të donin ta mbyllte sezonin me Shpendin dhe më pas sulmuesi shqiptar të vlerësonte me qetësi propozimet që i mbërrijnë. Kjo sigurisht nëse nuk vjen një ofertë e parefuzueshme.
Nuk është vetëm Fiorentina në gjurmën e Shpendit. Është edhe Dinamo e Zagrebit që interesohet për profilin e tij, në një rrugë që mund të duket si ajo e ndjekur nga Dani Olmo gjatë karrierës së tij.
