Me ndeshjen e tij të 119-të ndërkombëtare kundër Izraelit, Granit Xhaka bëhet i vetmi lojtar me rekord të kombëtarja e Zvicrës.
Por pas paraqitjes edhe një herë të dobët të kombëtares, kapiteni nuk ka dëshirë të festojë.
I inatosur edhe Xherdan Shaqiri.
Zvicra barazoi 1:1 me Izraelin.
Granit Xhaka është shumë i inatosur teksa kalon pranë gazetarëve në stadiumin “Panço Arena” Felcsut.
“Kapiteni është i mërzitur dhe përmbahet të bëjë një koment, duke e ditur fare mirë se një koment i tillë ndoshta do të shkaktonte sërish bujë të madhe.
Ashtu si në shtator, pas barazimit 2:2 në Kosovë, kur Xhaka shfry zemërimin e tij për stërvitjet e dobëta dhe intensitetin shumë të vogël dhe ia diktoi kujtdo që do ta dëgjonte. Në atë kohë goli i barazimit erdhi në minutën e 90+4, tani në minutën e 88-të. Të shtunën, kur kanë rastin e radhës për të siguruar biletën për Kampionatin Evropian, kundërshtare është Kosova, vendlindja e prindërve të Xhakës.
Në fokus do të jetë sërish edhe Xherdan Shaqiri. Ai gjithashtu “nuk u argëtua” pas ndeshjes kundër Izraelit dhe përfundoi duke ngelur në pankinë. Kur u pyet pse nuk u përdor, ai iu referua trajnerit.
Yakin nuk e arsyeton për mos aktivizimin e Shaqirit për arsye fizike, por për arsye taktike. Shaqiri nuk luajti për disa javë pas përfundimit të kualifikimeve në MLS, ndërsa së fundmi qëndroi në formë me disa seanca stërvitore në Lugano. “Do të kisha dashur t’i jepja disa minuta, por nuk ishte një lojë për Shaqirin”, – thotë Murat Yakin.
Shaqiri mbetet në 117 ndeshje ndërkombëtare për momentin. Ai nuk do të arrijë Heinz Hermann deri të shtunën në Basel”, shkruan mes të tjera media zvicerane “Blick”.
