Mbrojtësi i Barcelonës, Klement Lengle, po pret prej ditësh për të mësuar për të ardhmen e tij.
Katalanasit dhe Totenhemi do të përfitojnë nga përballja e tyre sonte në mbrëmje në trofeun “Gamper” për të provuar të zhbllokojnë situatën e tyre dhe që francezi të mund të kthehet në Angli, ashtu siç dëshiron futbollisti, por nëse nuk ka marrëveshje, ka edhe alternativa të tjera.
Një nga klubet e interesuar për të është Napoli. Por kampionët e Italisë nuk janë të vetmit, pasi edhe Milani ka bërë disa sondazhe të rëndësishme në fundjavë.
Gazetari Gerard Romero vuri në dukje të hënën se edhe Juventusi ka shfaqur interes për afrimin e mundshëm të Lengle, por klubi torinez preferon një huazim me opsion blerjen e lojtarit dhe jo shpenzimin e menjëhershëm, me 28-vjeçarin që do të zëvendësonte Leonardo Bonuçin, i cili shtyhet nga klubi që të largohet.
PANORAMASPORT.AL
