Transferimi i portierit të talentuar holandez, Bart Verbruggen, nga Anderlecht te “pulëbardhat” e Brighton, mund të rezultojë “fatal” për portierin e anglezëve, Robert Sanchez, i cili mund ta shohë veten e tij jashtë skuadrës në fundin e kësaj merkatoje vere.
Sipas raportimeve më të fundit nga tabloidet britanike, “gardiani” spanjoll i portës tashmë ka rënë në radarët e “djajve të kuq” të Manchester United, të cilët janë në kërkim të një portieri kualitativ gjatë kësaj merkatoje vere.
Mesa duket objektivi është gjetur, me “shtatlartin” 25-vjeçar, që sezonin e shkuar arriti të mbajë portën e paprekur në 8 nga 25 ndeshjet e zhvilluara përgjatë gjithë sezonit dhe pritet t’i kushtojë “djajve” rreth 22-30 milionë euro, shumë pak se çfarë kërkojnë “zikaltërit” për Andre Onana. /i.m /abcnews.al
