Mançester Junajtid thuhet se ka rënë dakord për një marrëveshje që do të shohë yllin e Sportingut të Lisbonës, Xhovani Kuenda t’i bashkohet klubit këtë verë.
Ruben Amorim ka synuar disa nga talentet e ish-klubit të tij ndërsa po përpiqet që të aplikojë sistemin 3-4-3 edhe në “Old Trafford”. Megjithatë, duket se një lojtar që do ta ndihmojë në projektin e tij të ri mund të jetë në rrugën për në “Old Trafford” në muajt e ardhshëm.
Sipas gazetës portugeze “A Bola”, Junajtid ka rënë dakord për një marrëveshje me vlerë rreth 60 milionë euro (50.2 milionë paund) për të nënshkruar me mbrojtësin e djathtë nga ish-klubi i Amorimit.
I njëjti lajm raporton se Junajtid po e gjurmonte 17-vjeçarin edhe para se Amorim të emërohej trajner i klubit dhe se Junajtid në një fazë kishte shpresuar që transferimi i Kuendës të përfundonte këtë muaj.
PANORAMASPORT.AL
