Juventusi iu përgjigj Romës duke mposhtur Sasuolon 3-0 në javën e 19-të të Serie A. Në stadiumin Mapei, ndeshja u zhbllokua në minutën e 16-të falë autogolit të Muharemovic, i cili shënoi me kokë në portën e tij në krosin e Kalulu.
Brenda dy minutave nga pjesa e dytë, lojtari më i përfolur në kampin e bardhezinjve la gjurmën e tij. Jonathan David, i futur në formacionin titullar nga Spalletti, pavarësisht penalltisë së humbur kundër Lecce-s, i dha një asist Mirettit për ta bërë rezultatin 2-0 në minutën e 62-të, pastaj shfrytëzoi gabimin e pasimit të Idzes për të firmosur të tretin.
Me këtë fitore, pikët e Zonjës së Vjetër në fund të gjysmës së parë të sezonit janë 36, duke i vendosur ata në vendin e katërt me verdhekuqtë, megjithëse me një gol më shumë në diferencën e golave. Ekipi i Grosso-s mbetet me 23 pikë.
