Pavarësisht interesit të madh për të, Juventus ka hequr dorë nga gara për transferimin e qendërmbrojtësit argjentinas, Marcos Senesi, pasi ky i fundit ka refuzuar zyrtarisht propozimin e bardhezinjve.
Juventus iu ka paraqitur një ofertë zyrtare përfaqësuesve të lojtarit, duke ofruar një kontratë tre-vjeçare me një pagë afër tre milionë euro në sezon. Përgjigjja e argjentinasit ka qenë negative.
28-vjeçari do të largohet si lojtar i lirë në fund të këtij sezoni pasi i mbaron kontrata me Bournemouth dhe nuk ka pranuar të rinovojë. Interesi për të është shumë i madh, por sipas të gjitha gjasave Senesi do vazhdojë të qëndrojë në Premier League.
Destinacioni më i mundshëm duket Londra, ku Chelsea është një nga klubet që e ka në listë emrin e argjentinasit për verën e ardhshme.
