Ardian Ismajli është një nga objektivat kryesorë të merkatos të shumë klubeve të njohura italiane gjatë merkatos në vitin 2025.
Mbrojtësi është në muajt e fundit të kontratës me Empolin dhe nëse nuk largohet në janar, mund të ikë si futbollist i lirë gjatë verës.
Kjo ka shtyrë që klube si Napoli, Lacio apo Juventus, të shfaqin interes konkret për futbollistin shqiptar në muajt e fundit. Megjithatë, duket se për momentin Juventusi të ndalojë negociatat me përfaqësues të lojtarit për një transferim të mundshëm, edhe pse shihet si një zgjidhje me kosto të ulët për problemet në prapavijën e torinezëve.
Sipas “Tuttosport”, problemi nuk janë aftësitë e lojtarit, për të cilat nuk ka dyshime por karakteristikat e tij. Ismajli është më shumë një lojtar i cili ka karakteristikat e mbulimit të kundërshtarit, ndërsa është më pak aktiv në krijimin e lojës.
Karakteristika të ngjashme me ato të Gatit, që Tiago Mota e ka në dispozicion. Ndaj për momentin po kërkohet një tipologji tjetër lojtari, për t’u kthyer te Ismajli nëse nuk gjenden alternativa më interesante në treg.
