Ditën e enjte, Juventus do të mësojë shumë në lidhje me të ardhmen e tij në merkaton e janarit. Paul Pogba do të kryejë testin B të analizës antidoping dhe do të mësohet e ardhmja e tij.
Francezi doli pozitiv me testosterone gjatë një testi të kryer më 20 gusht, në ndeshjen nda Udinese dhe është pezulluar nga klubi. Gjithashtu, i është pezulluar edhe rroga.
Drejtuesit e klubit nuk kanë humbur kohë dhe gjatë kësaj kohe kanë qenë aktiv me bisedime.
Objektivi kryesor i bardhezinjve është mesfushori danez Pierre-Emile Hojberg, që luan në Premier League me Tottenham.
28-vjeçar kushton rreth 40-45 milionë euro dhe ka një kontratë deri në vitin 2025 me Spurs. Sipas “Gazzetta Dello Sport”, ardhja e trajnerit të ri Postecoglou ka bërë që Hojberg të aktivizohet shumë pak, ndryshe nga sezonet e fundit ku ka qenë titullar.
Për pasojë, transferimi i tij në Serie A nuk është mision i pamundur, duke qenë se luan pak dhe Hojberg kërkon më shumë hapësira. Bardhezinjtë e pëlqejnë shumë si për aftësitë fizikë e teknike ashtu dhe për karakterin e tij.
