Nick Woltemade u transferua më shumë bujë te Juventus në ditët e fundit të merkatos, por deri tani nuk ka arritur të lërë dot gjurmë. Në këtë situatë, kanë dalë zërat e parë që tregojnë për një largim të mundshëm të sulmuesit gjerman që në merkaton e janarit, ndaj Juventus po kërkon një emër të ri për sulmin.
Megjithatë, ka vetëm një mundësi të vogël që Woltemade të largohet nga Juventus gjatë janarit dhe është vetëm nëse Newcastle vendos të rikthejë para kohe lojtarin e saj në bazë.
Woltemade nuk mund të largohet dot nga Juventus në janar dhe të transferohet diku tjetër përveçse Newcastle.
Kjo ndodh sepse, në sezonin 2026/2027, Woltemade ka veshur tashmë fanellat e dy ekipeve të ndryshme. Njëra ishte, natyrisht, ajo e Juventusit, ndërsa tjetra e Newcastle.
Para se të transferohej në Torino, sulmuesi gjerman ishte titullar në fitoren 3-2 në Carabao Cup kundër West Brom dhe më pas kishte luajtur për 19 minuta, duke dhënë edhe një asist, në fitoren 2-0 në Premier League kundër Tottenham.
Pse ka rëndësi kjo? Sepse rregulloret për transferimet ndërkombëtare lejojnë një lojtar të ndryshojë klub deri në tri herë gjatë një sezoni të plotë, por të zbresë në fushë vetëm për dy prej tyre.
