Skuadra e Juventusit ka marrë një goditje të rëndë një ditë pas fitores 3:2 në Ligën e Kampionëve ndaj Leipzigut në Gjermani.
Ekipi italian do të jetë të paktën për gjashtë muaj pa mbrojtësin brazilian, Gleison Bremer, i cili ka dëmtuar ligamentin kryqëzor të gjurit dhe duhet t’i nënshtrohet operimit.
Bremer u dëmtua me të filluar ndeshja kundër Leipzigut dhe lëndimi i tij është konfirmuar edhe nga Juventusi të enjten.
27-vjeçar ishte ndër lojtarët kryesor të Juventusit këtë sezon, në të cilin ka regjistruar tetë paraqitje në të gjitha garat dhe ishte i padiskutueshëm në përbërjen e trajnerit Thigo Motta.
Ndërkohë, sulmuesi i krahut, Nico Gonzalez që po ashtu u lëndua ndaj Leipzigut, do t’i mungoj Juventusit vetëm në ndeshjen kampionale kundër Cagliarit që luhet të dielën.
