Raportime nga mediumet italiane bëjnë me dije se Juventusi është i interesuar për tre yje të Atalantas.
Bëhet fjalë për Ademola Lookan, Ederson e Mateo Retegui.
Pasi shpenzoi 60 milionë euro për Teun Koopmeiners sezonin e kaluar, duke shtuar këtu edhe transferimet e Pierre Kalulu, Khephren Thuram, Nico Gonzalez, Douglas Luiz, Francisco Conceicao e Juan Kabal, Juventusi duket se do të jetë i zënë edhe këtë verë.
Raportimet e fundit thonë se Lookman po e mendon largimin, pas një përplasje me trajneri Gian Piero Gasperini, pasi e humbi një penallti në Ligën e Kampionëve, në eliminimin nga Club Brugge.
“La Gazetta dello Sport” shkruan se Lookman do të ishte ideal për sistemin e Thiago Mottas, por Juventusi do të përballet me një konkurrencë të ashpër me klubet e Premierligës.
E njëjta është situata me Ederson, i cili po ashtu është i lidhur me një kalim te disa nga top klubet e Europës.
Situata e qendërsulmuesit te Juventusi, bën me dije se klubi interesohet edhe për Mateo Reteguin.
Randal Kolo Muani aktualisht është sulmuesi i parë, por ai është i huazuar dhe “Zonja e Vjetër” nuk ka opsion të blerjes.
