Juventusi është i papërmbajtshëm në merkato. Pak orë pas ardhjes së Koopmeiners dhe lamtumirës së Federico Chiesa, i cili fluturoi në Angli për të nënshkruar me Liverpulin, bardhezinjtë arritën marrëveshjen për transferimin në Torino të Jadon Sancho.
Sipas “The Athletic” dhe “RMC Sport”, Giuntoli në fakt ka arritur një marrëveshje me Manchester United për transferimin e anësorit sulmues. Sipas asaj që mësojmë, marrëveshja është kryer mbi bazën e një huazimi me detyrim blerje.
Tashmë jashtë projektit të “djajve të kuq”, madje nuk ka qenë fare i grumbulluar për ndeshjen e fundit kundër Brighton, Sancho është i gatshëm të rikthehet në lojë dhe të fillojë përsëri nga Seria A për të treguar të gjitha cilësitë e tij dhe për të lënë pas një periudhë mjaft të komplikuar.
