Pas barazimit me Atalantan, Juventusi është rikthyer te fitorja, ku ka mposhtur Torinon e Mërgim Vojvodës me rezultat 2:0.
Vojvoda nuk luajti nga minuta e parë, por hyri në të 84-t për të zëvendësuar Ricardo Rodriguez, shkruan lajmi.net.
Federico Gatti ia dha epërsinë “Zonjës së Vjetër”, derisa Arkadiusz Milik e dyfishoi epërsinë e vendasve.
Juventusi renditet në vendin e tretë me 17 pikë, kurse Torino është në vendin e 12-të me nëntë pikë.
Pas tetë ndeshjeve Juventusi ka një rekord prej pesë fitoreve, dy barazimeve dhe një humbje, nga ana tjetër skuadra e Vojvodës ka dy fitore, tre barazime e tre humbje. /Lajmi.net/
Teilen:
