Juventusi ka “blinduar” Gleison Bremer. Pas rinovimit të fundit që daton në dhjetorin e kaluar, drejtori Xhuntoli ka vendosur të rishikojë kontratën e mbrojtësit brazilian, i cili luan për bardhezinjtë nga viti 2022 dhe gjithmonë në qendër të sirenave të transferimeve nga Anglia.
27- vjeçari, kishte fatin me “Zonjën e Vjetër” deri në vitin 2028 teksa më rinovimin e fundit bashkëpunimi është zgjatur më një tjetër sezon, pra deri në 2029. Marrëveshja e re përfshin një ndryshim në klauzolën e lirimit të vendosur aktualisht në 60 milionë euro.
STATISTIKAT – Një rinovim, ai i Gleison, kampionit brazilian 27-vjeçar, është thjesht i merituar, lexojmë në njoftimin për shtyp të Juventusit. Për të, si gjithmonë në këto raste, i lëmë të dhënat të flasin vetë. Në dy sezonet e fundit (që nga 2022/23), Bremer ka bërë 83 paraqitje për Juventusin duke numëruar të gjitha turnetë, e të gjitha i ka luajtur që nga minuta e parë. Në përgjithësi, asnjë lojtar i Juventusit nuk ka nisur më shumë ndeshje në sezonet e kaluara në të gjitha turnetë (83, si Danilo).
Bremer është mbrojtësi që ka rikuperuar më shumë topa në dy sezonet e fundit të Serisë A: 376, të paktën 14 më shumë se çdo koleg tjetër në të njëjtin rol në të gjithë Italinë. Dhe më pas golat: Gleison është mbrojtësi që ka shënuar më shumë gola me kokë në dy sezonet e fundit të Serisë A: shtatë, të paktën tre më shumë se çdo mbrojtës tjetër. E gjithë kjo nuk do të ishte e mundur pa talentin që tregon ai në çdo rast që hyn në fushë, por edhe seriozitetin dhe përkushtimin e tij, të cilin e vë çdo ditë, në çdo stërvitje, në shërbim të skuadrës. Kjo është arsyeja pse klubi është i lumtur ta zgjasë marrëveshjen kontraktuale me lojtarin.
PAGA DHE KLAUZOLA – Paga e lojtarit ashtu si klauzola, duke garantuar efektivisht një fitim të madh nga Juventusi duke filluar nga sezoni i ardhshëm. Po, sepse klauzola mund të ushtrohet vetëm nga qershori 2025 e në vazhdim. Bremer, i freskët nga Kupa e Amerikës e luajtur me Brazilin (i eliminuar në çerekfinale nga Uruguai), është parë në fushë të shtunën gjatë ndeshjes miqësore të barazuar me Brestin.
Ai do të jetë një shtyllë e ciklit të ri të Juventusit dhe, të paktën në ide, një fener i mbrojtjes me katër lojtarë së bashku me Todibon, një objektiv kurrë i fshehur transferimi nga drejtuesit e Juves të cilët pas orvatjeve të para kanë riformuluar ofertën për francezin dhe janë në pritje të një përgjigje nga Nisa.
PANORAMASPORT.AL
