Një lojtar krahu, ose ndoshta dy. Në ditën e debutimit të Tiago Motës në “Allianz Stadium” në sytë e Xhon Elkan në ndeshjen tradicionale brenda familjes, Juventusi ka bërë hapa përpara në merkaton e vlefshme për sulmuesit.
Duhen përforcime në krah dhe Xhuntoli është duke punuar në dy objektiva, që nuk është e thënë të jenë dy alternativa, por mund të vijnë të dy. Nga një anë është Galeno, brazilian me pasaportë portugeze dhe në anën tjetër Niko Gonzales. Ideja e drejtuesve bardhezinj është që t’ia dhurojnë të dy Tiago Motës për të mbuluar siç duhet rolin e krahut të majtë dhe të djathtë.
Xhuntoli është duke menduar që të përfshijë disa lojtarë në operacionet e mësipërme për të ulur vlerën e transferimit. Gjatë kësaj kohe, bardhezinjtë po mendojnë seriozisht për të bërë një blerje “cash” për sulmuesin e Fiorentinës në rast se nuk do të vijë Kopmainers, i cili është ëndrra e madhe e merkatos së Juventusit.
Por duket se tani Xhuntoli po kërkon me forcë që të përqendrohet vetëm te Niko Gonzales, për të pasur një lojtar nën shërbimet e Motës. Gjatë kësaj kohe do të marrë zgjidhje edhe situata me Kiezën, i cili duket se po jep sinjale për të qëndruar në Torino në rrjetet sociale.
PANORAMASPORT.AL
