Java e tretë e “Abissnet Superiore” do të rikthehet në fundjavë me 5 takime që premtojnë spektakël në ekranin e Radio Televizionit Shqiptar.
Java e tretë do të luhet e ndarë në 2 ditë, me 3 ndeshje të shtunën e 31 gushtit dhe 2 ndeshje të dielën e 1 shtatorit.
Laçi-Bylis do të jetë takimi që do të çelë javën e tretë të “Abissnet Superiore” dhe do të transmetohet drejtpërdrejt dhe pa pagesë në kanalin RTSH Sport në orën 17:00. Në mbrëmje do të luhen dy ndeshje të tjera. Teuta do të përballet me Partizanin në “Niko Dovana” në orën 20:00, një sfidë që do të transmetohet në RTSH Sport, ndërsa në të njëjtin orar në Korçë do të luhet ndeshja Skënderbeu-Vllaznia, që do të transmetohet në RTSH 2.
E diela sjell dy supendeshje për shikuesit. Tirana sfidon kampionët e Egnatias, takim që do të transmetohet në RTSH Sport, ndërsa ndeshja Dinamo-AF Elbasani do të vijë drejtpërdrejt në RTSH 2.
