Fundjavë e gjatë dhe plot emocion do të jetë kjo e fundit të majit për garuesit nga Kosova.
Liridon Kalenderi, Kushtrim Bytyqi e Arjeta Rysha do të përballen me më të mirët e Kampionatit Evropian të garave malore, Hill Climb, në Sternberk të Çekisë.
Ndërkohë, Brunilda Gjura do të garojë në Kampionatin e Evropës Qendrore në disiplinën auto sllallom në Poprad të Sllovakisë.
Bazuar në rezultatet e garave të kaluara, garuesit nga Kosova do të jenë konkurrentë seriozë në kategoritë e tyre dhe në plasmanet e përgjithshme.
