Rasmus Hojlund pranon se duhet të marrë pjesën e tij të fajit për një shterpësi që zgjati 22 ndeshje (22 orë e 19 minuta në fushë) dhe u shtri tre muaj me Mançester Junajtidin. Tensioni i tij ishte hasur edhe në Ligën e Europës kur për pak sa nuk u kap me duar me Dalotin për një pasim të munguar.
Lidhur me momentin e vështirë, sulmuesi ka deklaruar: “Mendoj se varet edhe nga performancat e mia. Pa dyshim që nuk kam qenë në nivelin më të mirë të lojës sime, siç edhe doja, por jam ende duke u përshtatur me një sistem të ri dhe disa pozicione të reja. Sigurisht, mendoj gjithashtu se jam rritur në të kohët e fundit dhe kam filluar të bëj pak më mirë”.
Tetë gola në 32 prezenca me “Djajtë e kuq”, nuk janë maksimumi që pritet nga një sulmues, për të cilin është investuar shumë. Megjithatë, danezi 22-vjeçar duket i qetë. “Nuk mund të ulem këtu dhe të tregoj gjithçka, por mendoj se kemi filluar të krijojmë pak më shumë lidhje me shokët. Jam duke u zhvilluar dhe duke filluar të kuptoj cilësitë e tyre, kjo është ajo që dëshiron trajneri. Ai dëshiron që ne të luajmë me pikat tona të forta dhe tani po fillojmë ta gjejmë njëri-tjetrin edhe më mirë”, përfundoi Hojlund.
PANORAMASPORT.AL
