Ertjan Kofsha ka fituar medaljen e bronztë në stilin e shkëputjes në Kampionatin Europian të Peshëngritjes U20 për peshën deri në 94 kg, që po zhvillohet në Durrës dhe po transmetohet drejtpërdrejt në RTSH Sport.
Peshëngritësi shqiptar ka ngritur me sukses 158 kg në provën e parë dhe 162 kg në provën e dytë në stilin e shkëputjes, ndërsa ka dështuar në provën e tretë, ku tentoi të ngrinte 167 kg.
Gjeorgjiani Jajvani fitoi medaljen e artë në stilin e shkëputjes, pasi ngriti 166 kg.
