Lutoni rikthehet në elitën e futbollit anglez për herë të parë prej vitit 1992, pasi fitoi finalen me të shtrenjtë të historisë së futbollit (mbi 200 mln paund) me penallti kundër Koventrit, duke iu bashkuar Bërnlejt dhe Shefilld Junajtidit, dy ekipeve të tjera që do të luajnë në elitë këtë sezon.
I themeluar në 1885, klubi mban nofkën e “Hatters” (kapelabërësit), sepse prej 4 shekujsh është kjo industria më e madhe e qytetit. Me ngjitjen në Premier, Haland me shokë do të luajnë në një prej stadiumeve më të vjetra të historisë. “Kenilworth Road” është ndërtuar mes shtëpive në vitin 1905 dhe ka një kapacitet prej vetëm 10.356 spektatorësh me karrige druri që të dërgojnë në një epokë futbolli tjetër.
Sajti i specializuar i shitjes së biletave “SeatPick” ka llogaritur se çmimi mesatar fillestar për një biletë në rishitje në stadiumin e Lutonit do të jetë 622 paund këtë sezon, praktikisht bileta më e shtrenjtë për të parë një ndeshje të Premier Ligës.
PANORAMASPORT.AL
