Kampioni aktual në futsal, Futsal Forca nga Kumanova, festoi në derbi ndeshjen kundër Futsal Shkupit, si mysafir me rezultat 2:3.
Kumanovarët janë shpallur kampion vjeshtor me një seri fantastike prej 9 fitoreve nga po aq ndeshje.
“Ndeshja e mbrëmshme u zhvillua në një atmosferë, e cila i kishte munguar futsallit vendor. I përgëzoj nikoqirët për këtë ambient të bukur.
Sa i përket ndeshjes mendoj se dominuam në të gjitha segmente, ishim shumë më të mirë.
Nëntë ndeshje, nëntë fitore. Kjo tregon qartë se kush e dominon futsallin vendor”, deklaroi kapiteni i Futsal Forca nga Kumanova, Taulant Ismaili.
“Tash jemi të fokusuar në ndeshjet kualifikuese të reprezentacionit të Maqedonisë së Veriut për evropianin kundër Holandës më 13.12.2024 në Almeren (Holandë) dhe kundër Andorrës më datë 18.12.2024 në Shkup. Shpresojmë në suksese”, përfundoi Ismaili..
