Edhe pse ka luajtur pak në këtë sezon, Davide Kalabria është nga ata që përkushtohet pa fund.
Me shiritin në krah, mbrojtësi shënoi edhe një gol, teksa pas ndeshjes u shpreh: “Në ndeshjet kundër ekipeve të ashtuquajtur inferiore është pikërisht kjo ndeshja që duhet bërë. Qëndruam të fokusuar deri në fund për të mos i dhënë shpresë kundërshtarit. Dhe në futboll kur je 1-0 ose 2-0 nuk duhet të ndalesh, por duhet vazhduar për të imponuar epërsinë”.
Milani vjen nga shtatë rezultate pozitive radhazi, por sfida ndaj Atalantës vlen shumë për kampionatin dhe mendësinë. “Djalli” do të bëjë të pamundurën në Bergamo kundër një prej skuadrave më në formë siç është ajo ku bën pjesë edhe i yni Berat Gjimshiti.
“Ndoshta ne e kemi kapërcyer atë lloj ngërçi që na pengonte të diktonim ritmin tonë. Milani e bëri detyrën e tij dhe kur fiton disa ndeshje: 3-2, 3-0 dhe 6-1 do të thotë se e kemi bërë detyrën. Për në rëndësi ka që të ruajmë ecurinë”, përfundoi Kalabria.
PANORAMASPORT.AL
