Sulmuesi, Muhamet Hyseni ka “shpërthyer” këtë sezon me skuadrën e Llapit në elitën e futbollit kosovar.
Forma e mirë e tij u pa edhe në ndeshjen e Kosovës kundër Zvicrës (1:1), e zhvilluar në nëntor në Bazel, në kuadër të kualifikimeve për Kampionatin Evropian 2024.
Hyseni realizoi gol në stadiumin e Bazelit, në ndeshjen debutuese me fanellën e Përfaqësueses së Kosovës. Pas golit, ai kapi kokën nga emocionet.
“Kisha emocione shumë të mëdha. Nuk e prita se do futem në atë lojë. Por, pasi hyra në lojë shënova. Është emocion i jashtëzakonshëm. T’i shënosh gol Zvicrës në debutim është diçka shumë e madhe. Për atë arsye e kapa kokën”, tha Hyseni për lajmi.net.
“Nuk mendova asgjë në atë moment. Ishte diçka e pabesueshme për atë arsye kapa kokën” – shtoi ai.
Storien e plotë të realizuar nga lajmi.net mund ta shikoni në videon e mëposhtme. /Lajmi.net/
