Skenat e shëmtuara në minutat e fundit të derbit të Milanos njollosën këtë sfidë ku festa u kthye në një sherr masiv mes dy skuadrave. Një sherr që do të ketë pasoja për të dy ekipet, sidomos për kuqezinjtë të cilët humbasin futbollistë të rëndësishëm për sfidën e radhës në kampionat ndaj Juventusit.
Organet disiplinore sportive kanë bërë të ditur se Teo Hernandez dhe Denzel Dumfris, janë ndëshkuar të dy me një ndeshje pezullim si dhe një gjobë prej 10 mijë eurosh për shkak të zënkës mes tyre në fundin e ndeshjes. Sipas raportit të gjyqtarit, ata kanë kapur për fyti njëri-tjetrin, duke u shtyrë në një kacafytje aspak të bukur.
Por më keq se këta të dy, e ka pësuar Davide Kalabria. Ai është ndëshkuar me karton të kuq në derbi për një goditje me bërryl ndaj Fratezit. Për këtë arsye, ai është dënuar me dy ndeshje pezullim.
Po ti shtosh edhe ndeshjen e pezullimit që do të vuajë Fikajo Tomori për shkak se plotësoi dje kartonët e verdhë, atëherë Milani do të duhet që të bëjë thuajse nga e para prapavijën për ndeshjen e fundjavës ndaj bardhezinjve me të cilët rivalizon për vendin e dytë në klasifikim.
PANORAMASPORT.AL
