Albin Kapra ka vendosur që ta vazhdojë karrierën e tij me Ballkanin.
Ai së fundi rinovoi kontratën me klubin nga Suhareka duke nënshkruar edhe për tri vite të tjera.
Pas rinovimit, Kapra ka falënderuar drejtuesit e kampionit të Kosovës për besimin e dhënë, ndërsa ka shprehur qartazi synimet e tij me këtë skuadër, raporton lajmi.net.
Suksesi sa më i madh në garat evropiane si dhe titulli i tretë i kampionit radhazi janë qëllimet kryesore të futbollistit.
“Shpresojmë që dhurata jonë për klubin të jetë titulli i tretë radhazi dhe vazhdimi i suksesit në Evropë me të njëjtin stabilitet si në sezonin e kaluar.”, ka shkruar Kapra në “Facebook”/Lajmi.net/
