Majkëll Esien ka qenë për shumë vite një nga mesfushorët më të vlerësuar në qarkullim, duke luajtur për disa nga klubet më të njohura në botë si Çelsi, Real Madrid e Milan. Ai ka krijuar një eksperiencë të jashtëzakonshme dhe prej disa vitesh, po mundohet që ta kalojë në brezat e ri, si pjesë e stafit të Nordsjelland në Danimarkë.
Ai ka shpjeguar se kjo eksperiencë e re si trajner, e ka bërë të shohë me një sy tjetër punën e atyre që e kanë drejtuar në vite, emra si Murinjo, Ançeloti apo Hidink.
“U zgjova në ëëj mëngjes dhe mendova “Të filloj të bëj diçka”. Nisa të trajnoja për të mësuar çfarë do të thotë të jesh një trajner. Tani flas me disa prej ish-trajnervë të mi. Vetëm biseda normale, asgjë taktike.
Unë kisha disa trajnerë shumë të mëdhenj me të cilët kam pasur fatin të punoj. Kam mësuar shumë gjëra nga Zhoze dhe nga Ançeloti. Qetësia e tij dhe mënyra se si menaxhon lojtarët, mënyra se si mundohej të përqafonte futbollistët e tij. Tani e kuptoj pak më shumë arsyen pse Zhoze Inatosej”, tha duke qeshur Esien në intervistën e tij për BBC.
PANORAMASPORT.AL
